Էդվարդ Նալբնդյան. "Ադրբեջանը ապարդյուն փորձում է շարունակել անտեսել թե մադրիդյան սկզբունքները, թե ԵԱՀԿ ՄԽ եռանախագահության կոչերը"

Էդվարդ Նալբանդյան
©Արտակ Բարսեղյան 

Այսօր հրավիրված մամլո ասուլիսում Հայաստանի արտաքին գործերի նախարար Էդվարդ Նալբանդյանը ներկայացրել է իր գլխավորած գերատեսչության կողմից անցյալ տարվա ընթացքում կատարված աշխատանքները, անդրադարձել է արտաքին քաղաքական ասպարեզում տեղի ունեցող զարգացումներին: Մասնավորապես, ըստ նախարարի, 2013 թվականը նշանավորվեց Մաքսային միությանը Հայաստանի Հանրապետության միանալու որոշմամբ, որը բխում է Հայաստանի տնտեսական և ռազմավարական շահերից։ 

Անցած 2013 թվականը բավականին հագեցած տարի էր մեր երկրի արտաքին քաղաքական առումով: Մասնավորապես, մեր երկիրը նախագահեց երկու միջազգային կառույցներում՝ Եվրոպայի խորհրդի նախարարների կոմիտեում և

Հայաստանի ԱԳՆ

©Արտակ Բարսեղյան

Սևծովյան տնտեսական համագործակցության կազմակերպությունում: Թվային առումով, այն ևս հագեցած էր՝ 2013թվականի ընթացքում Հանրապետության Նախագահն իրականացրել է 15 օտարերկրյա այց: Հայաստան է այցելել 3 պետության և կառավարության ղեկավար: ԱԺ նախագահը 9 արտերկրյա այց է կատարել, Հայաստան է ժամանել 6 երկրի խորհրդարանի ղեկավար։ Վարչապետն իրականացրել է 6 արտերկրյա այցելություն։ Արտգործնախարարը կատարել է 48 օտարերկրյա այց, Հայաստան է այցելել 12 երկրի արտգործնախարար և միջազգային կազմակերպության 10 ղեկավար: Ըստ նախարար Նալբանդյանի, փոխայցելությունների արդյունքում ձեռք են բերվել կարևոր

պայմանավորվածություններ և ստորագրվել ութսունվեց միջազգային

պայմանագրեր:

 Անցյալ տարի Հայաստանը դեսպանատներ է հիմնել Շվեդիայում,

Մեքսիկայում, Վատիկանում, Վիետնամում և Ինդոնեզիայում, մշտական

ներկայացուցչություն՝ Ֆրանկոֆոնիայի միջազգային կազմակերպությունում,

գլխավոր հյուպատոսություններ՝ Մարսելում և Լիոնում, դիվանագիտական

հարաբերություններ հաստատել 5 պետության հետ (Վանուատու, Մյանմար,

Սվազիլենդ, Ուգանդա, Մավրիկիոս):

Որոշակի առաջընթաց երկամյա ընդմիջումից հետո արձանագրվեց արցախյան խնդրի կարգավորման գործընթացում:

Արցախյան հիմնախնդրի կարգավորման ուղղությամբ Հայաստանը 2013թ.

շարունակեց Մինսկի խմբի համանախագահների հետ համատեղ ջանքերը՝

հիմնահարցի բացառապես խաղաղ, միջազգային իրավունքի սկզբունքների ու

նորմերի հիման վրա հանգուցալուծման ուղղությամբ: 

Այդ ջանքերը շարունակական բնույթ կկրեն և այս տարի: Արդեն վաղը Էդվարդ Նալբանդյանը կմեկնի Փարիզ, որտեղ կհանդիպի Մինսկի խմբի համանախագահների հետ, իսկ հաջորդ օրը կբանակցի իր ադրբեջանցի գործընկերոջ՝ Էլմար Մամեդյարովի հետ:  Հայաստանը ի տարբերություն Ադրբեջանի հավատարիմ է բանակցային սեղանին գտնվող խնդրի խաղաղ կարգավորման սկզբունքներին, նշեց մեր երկրի արտաքին քաղաքական գերատեսչության ղեկավարը:

Ադրբեջանը ապարդյուն փորձում է շարունակել անտեսել թե այդ սկզբունքները, թե ԵԱՀԿ ՄԽ եռանախագահության կոչերը:

Պատասխանելով "ՌԱԴԻՈԼՈՒՐ"ի հարցին, մեր երկրի արտգործնախարը անդրադարձավ նոր առաջարկությունների վերաբերյալ Ռուսաստանի իր գործընկերոջ կողմից նախօրեին արված հայտարարությանը, նշելով, որ նոր առաջարկներ չկան, իսկ թյուրիմացության առիթը՝ սխալ թարգմանությունն է :

Հայ-թուրքական հարաբերությունների առումով Մեծ Եղեռնի 100-րդ տարելիցին ընդառաջ որևէ առաջխաղացման միտում չի նշմարվում: Էդվարդ Նալբանդյանը պատմեց լրագրողներին Երևանում անցալ տարի թուրք արտգործնախարարի հանդիպման որոշ մանրամասներ:

Ասուլիսի ընացքում նախարար Նալբանդյանը անդրադարձավ նաև կրթության և գիտության նախարար Արմեն Աշոտյանի առաջարկին մեր երկրի որպես Արևելյան Հայաստանի Հանրապետություն վերանվանման շուրջ:

Դա պարոն Աշոտյանի անձնական կարծիքն է, այդպիսի հարց չի քննարկվոել և չի քննարկվում կառավարությունում:

Նախարարը իր գոհունակությունը հայտնեց մեծ թափով կառուցվող ԱԳՆ նոր շենքի վերաբերյալ: