Համամասնականի համար համակարգը դեռ չի հասունացել Արտակ Բարսեղյան "Ռադիոլուր" Ազգային ժողովի գարնանային նստաշրջանում կքննարկվի «Ընտրական օրենսգրքի» նախագիծը, որը հեղինակել է քաղաքական կոալիցիան, այսօր հայտնեց ԱԺ ՀՀԿ խմբակցության անդամ Հավհաննես Սահակյանը: Ըստ նրա՝ խորհրդարանական քննարկումներից հետո օրենսգիրքը կուղարկվի Եվրոպայի խորհրդի Վենետիկի հանձնաժողով` փորձաքննության: Ընդդիմադիր «Ժառանգություն»- խմբակցությունը ներկայացնող պատգամավոր Արմեն Մարտիրոսյանը հայտարարեց, որ կոալիցիայի հեղինակած բարեփոխումները հավասարակշռված չեն, նոր խոչընդոտներ են ստեղծում ընդդիմության առջև և չեն ապահովում երկրի ժողովրդավարական առաջընթացը: Դրանով իսկ՝ պատգամավորը հիմնավորված համարեց ընդդիմության՝ կոալիցիոն տարբերակի քննարկումների բոյկոտը: Ըստ նրա՝ ներկա պայմաններում ընդդիմության մասնակցությունը փաստացի կկրեր իմիտացիոն բնույթ: Միևնույն ժամանակ՝ Արմեն Մարտիրոսյանը կոչ արեց կոալիցիային միացյալ ջանքերով սպիտակ էջից սկսել օրենսգրքի ձևավորումը: Հովհաննես Սահակյանը նշեց, որ կոալիցիայի կողմի