1991 թվականի փետրվարի 16- ին լույս տեսավ Ազգ» օրաթերթի անդրանիկ համարը: Այս հոբելյանի նախօրեին՝ Մամուլի ազգային ակումբում լրագրողների հետ հանդիպեց թերթի հիմնադիր և անփոփոխ խմբագիր Հակոբ Ավետիքյանը։ Նա Հայաստան եկավ 1990- ի վերջին որպես Բեյրութի «Զարթոնք» թերթի գլխավոր խմագիր` հայրենիքի մասին ռեպորտաժներ պատրաստելու նպատակով: Արդյունքում՝ երեքամսյա գործուղումը սկիզբ դրեց «Ազգ» օրաթերթի պատմությանը, որը շարունակվում է մինչ օրս… Այն Հայաստանի Հանրապետության առաջին անկախ օրաթերթն էր, և առաջինն էր Հայաստանում և Հարվային Կովկասում, որ տպագրվում էր նոր՝ համակարգչային տեխնիկայի միջոցով։ Բացի սրանից` թերթը հայ ընթերցողին ներկայացավ արևմտյան մամուլի մոդելով, ինչը գրավեց հայաստանյան ընթերցողին: Օրաթերթի լրագրողներից 5- ը հետագայում հիմնել են իրենց թերթերը կամ ամսագրերը, 3- ը դարձել դեսպան, մի մասն էլ անցել այլ դիվանագիտական աշխատանքի, ինչով Հակոբ Ավետիքյանը հպարտանում է: 1999 թվականից «Ազգ»- ն ունի ինտերնետային ծառայություն, որն ամեն օր թարմացվում է։ Թերթի ինտերնետային տարբերակը լույս է