Միջազգային ճգնաժամային խմբի «Հայաստան և Ադրբեջան. կանխելով պատերազմը» զեկույցի փաստագրական մասը անկատար է և չի համապատասխանում ներկայացրաց եզրակացություններին: Այսպիսի հայտարարությամբ այսօր հանդես եկավ Կովկասի ինստիտուտի տնօրեն, Ալեքսանդր Իսկանդարյանը: Մի հետաքրքիր փաստ չի վրիպել նրա ուշադրությունից: Ի տարբերություն նախորդ զեկույցների` Միջազգային ճգնաժամային խումբը այս անգամ չի անդրադարձել այսպես կոչված «գրավված տարածքների» դրույթին: Քաղաքագետը նաև հերքել է պատերազմի հանկարծակի վերսկսման հավանականության մասին պնդումը` ճշտելով, որ կողմերի ստորաբաժանումները լիովին վերահսկելի են, և ռազմական գործողությունները կարող են սկսվել միայն գլխավոր հրամանատարների ցուցումով: «Միջազգային ճգնաժամային խմբի հրապարակած վերջին զեկույցում ներկայացված փաստերն ամբողջական չեն, սակայն բավական հագեցած են: Այս փաստաթղթում ներկայացվող փաստերը չեն համապատասխանում դրանում արված հետևություններին, և ես այն տպավորությունն ունեմ, որ զեկույցը պատրաստելիս` նախապես նպատակ է եղել հիմնավորել պատերազմի սկսման հավանականո