Փաստաբաններ Տիգրան Սաֆարյանը և Գիվի Հովհաննիսյանը այսօր հրավիրված ասուլիսում անդրադարձել են “Մոսկվա” կինոթատրոնից 2010 թվականի հունվարի սկզբին տեղի ունեցաց առանձնապես խոշոր գումարի հափշտակման քրեական գործի հետաքննության ընթացքին: Նրանք, մասնավորապես, անդրադարձել են իրենց պաշտպանյալների հանդեպ տեղ գտած խոշտանգումներին և իրավունքների խախտմանը: Փաստաբանները հայտարարեցին, որ գործով կալանավորված Ստեփան Հովակիմայանի և Վահրամ Քերոբյանի հանդեպ իրավապահները անհրաժեշտ ցուցմումքները կորզելու նպատակով դիմել են ծեծի և այլ հակաօրինական քայլերի: Դատապաշտպանները համոզմունք հայտնեցին, որ նախնական և դատական քննությունների ընթացքում քննչական մարմինների և դատարանի կողմից բազմիցս թույլ են տրվել կոպիտ խախտումներ: Իրականում գողության արդյունքում տուժում է արդարադատությունը, ընդգծեցին փաստաբանները: