Հայ ժողովրդի1915 թվականի վերապրած ցավը մոտ է և հասկանալի ուկրաինական ժողովրդին, գրեց նախարար Գրիշչենկոն
Ուկրաինայի արտգործնախարար Կոնստանտին Գրիշչենկոն այսօր այցելեց Ծիծեռնակաբերդ եւ ծաղկեպսակ դրեց Մեծ եղեռնի զոհերի հիշատակը հավերժացնող հուշակոթողին: Ցեղասպանության թանգարան- ինստիտուտում նախարար Գրիշչենկոն մանրամասնորեն ծանոթացավ թանգարանի` 1915 թ- ին Օսմանյան Կայսրությունում հայկական կոտորածների մասին պատմող վավերագրական նյութերին ու լուսանկարներին: «Ծիծեռնակաբերդի հուշահամալիր այցելությունը անջնջելի տպավորություն թողեց ինձ վրա: Հայ ժողովրդի1915 թվականի վերապրած ցավը մոտ է և հասկանալի ուկրաինական ժողովրդին, որը 1932-1933 թվականներին ունեցավ իր պատմության ամենաողբերգական էջերը",- թանգարանի հուշամատյանում նման գրառում կատարեց՝ համոզմունք հայտնելով հայ ժողովրդի արժանապատիվ ապագայի նկակմամբ։ «Բարեկամ Հայաստանին մաղթում եմ տնտեսական կայունություն և բարգավաճում»,- գրեց նախարարը: Կոնստանտին Գրիշչենկոն նաեւ եղեւնի տնկեց Հիշատակի պուրակում: Նշենք,որ Ուկրաինան դեռ չի ճանաչել Մեծ Եղեռնը: