Այսօր ՄԱԿ- ի մշտական համակարգող Դաֆինա Գերչևան և արտակարգ իրավիճակների նախարար Արմեն Երիցյանը համաձայնագիր ստորագրեցին «Աղետների կառավարման, պատրաստվածության և արձագանքման գործողությունների վերաբերյալ» և փոխըմբռնման հուշագիր «Հնարավոր աղետների ժամանակ օպերատիվ տեղեկատվության տրամադրման և ընդհանուր հաղորդակցության մասին»: Արտակարգ իրավիճակների նախարարությունը և ՄԱԿ- ի երևանյան գրասենյակը համագործակցում են արդեն 10 տարի: Արմեն Երիցյանը և Դաֆինա Գերչևան իրենց գոհունակությունը հայտնեցին համատեղ ծրագրերի իրականացման բարձր մակարդակից: Ստորագրման արարողությունից հետո նախարար Երիցյանը Դաֆինա Գերչևաին ներկայացրեց նախարարության վերանորոգված շենքը: Նախարարը մեծ նշանակություն տվեց Ճգնաժամային կառավարման արդիական կենտրոնի ստեղծմանը, որի շենքի հիմքերը արդեն դրված են: