Տեղի ունեցավ Հայաստանի եւ Միացյալ Նահանգների արտաքին քաղաքական գերատեսչությունների ղեկավարների հանդիպումը:
Ինչպես հայտնում են ՀՀ ԱԳՆ մամլո ծառայությունից, մայիսի 5-ին աշխատանքային այցով Վաշինգտոնում գտնվող ՀՀ ԱԳ նախարար Էդվարդ Նալբանդյանը հանդիպում ունեցավ ԱՄՆ պետական քարտուղար Հիլարի Քլինթոնի հետ:
Պետքարտուղար Քլինթոնը, ողջունելով Հայաստանի արտգործնախարարին, նշեց, որ ԱՄՆ շահագրգռված է Հայաստանի հետ համակողմանի հարաբերությունների ամրապնդմամբ եւ զարգացմամբ, եւ նախագահ Օբամայի վարչակազմը հաստատակամ է ընդարձակելու երկու երկրների միջեւ փոխգործակցությունը:
Նախարար Նալբանդյանը, շնորհակալություն հայտնելով Վաշինգտոն այցելելու հրավերի համար, ընդգծեց, որ Հայաստանը, կարեւորելով Միացյալ Նահանգների հետ հարաբերությունների առավել ամրապնդումը, հետամուտ է լինելու ԱՄՆ հետ բարեկամական գործընկերության զարգացմանն ու խորացմանը եւ համագործակցության ընդլայնմանը:
Հայաստանի եւ ԱՄՆ արտաքին քաղաքական գերատեսչությունների ղեկավարները քննարկեցին երկկողմ հարաբերությունների տարբեր բնագավառներին վերաբերող հարցերի լայն շրջանակ, տնտեսական փոխգործակցության զարգացման եւ ընդլայնման հնարավորությունները, անդրադարձ կատարվեց մայիսին Երեւանում կայանալիք հայ-ամերիկյան միջկառավարական հանձնաժողովի նիստին, քննարկվեցին մի շարք տարածաշրջանային եւ միջազգային խնդիրներ:
Զրուցակիցները քննարկեցին հայ-թուրքական հարաբերությունների կարգավորման գործընթացը: Պետքարտուղար Քլինթոնը որպես պատմական որակեց ապրիլի 22-ին Հայաստանի եւ Թուրքիայի արտաքին քաղաքական գերատեսչությունների հայտարարությունը: Նա վերահաստատեց Միացյալ Նահանգների դիրքորոշումը` շարունակել ամենայն աջակցության ցուցաբերումը հայ-թուրքական հարաբերությունների լիակատար կարգավորմանը:
Հանդիպման ընթացքում քննարկվեցին արցախյան հիմնախնդրի կարգավորման գործընթացի վերջին զարգացումները: Անդրադարձ կատարվեց Հայաստանի եւ Ադրբեջանի նախագահների առաջիկա հանդիպմանը: Պետքարտուղար Քլինթոնն ընդգծեց ղարաբաղյան հիմնախնդրի խաղաղ կարգավորումը եւ նշեց, որ ԱՄՆ-ն, որպես ԵԱՀԿ Մինսկի խմբի համանախագահ, շարունակելու է իր ամբողջական աջակցությունը հակամարտության կողմերի միջեւ համաձայնությունների ձեռքբերմանը եւ հիմնախնդրի հանգուցալուծմանը, ինչը նրա բնորոշմամբ նոր հնարավորություններ կստեղծի Հարավային Կովկասի տարածաշրջանի զարգացման, կայունության եւ անվտանգության ամրապնդման համար:
Նախարար Նալբանդյանը պետքարտուղար Քլինթոնին ներկայացրեց Հայաստանում իրականացվող բարեփոխումների ընթացքն ու այդ ուղղությամբ ձեռնարկվող քայլերը:
Էդվարդ Նալբանդյանը Հիլարի Քլինթոնին հրավիրեց այցելել Հայաստան:
Նույն օրը Հայաստանի արտգործնախարարը Սպիտակ տանը հանդիպում ունեցավ ԱՄՆ նախագահի ազգային անվտանգության հարցերով խորհրդական գեներալ Ջեյմս Ջոնսի հետ: Հայաստանի արտաքին քաղաքական գերատեսչության ղեկավարն ու ԱՄՆ նախագահի խորհրդականը քննարկեցին հայ-ամերիկյան համագործակցության տարբեր ոլորտներին վերաբերող հարցեր, տարածաշրջանային անվտանգության ապահովման խնդիրներ: Գեներալ Ջոնսը բարձր գնահատեց Հայաստանի մասնակցությունը խաղաղապահ գործողություններին եւ այդ ենթատեքստում կարեւոր ներդրումը միջազգային անվտանգության ապահովման գործում: Հանդիպման ընթացքում հանգամանալից զրույց ծավալվեց հայ-թուրքական հարաբերությունների կարգավորման գործընթացի եւ արցախյան հիմնախնդրի հանգուցալուծման հնարավորությունների վերաբերյալ: Գեներալ Ջոնսը աջակցություն հայտնեց հայ-թուրքական հարաբերությունների կարգավորման ուղղությամբ Հայաստանի ղեկավարության ձեռնարկած քայլերին: Զրուցակիցներն անդրադարձան հայ-ամերիկյան փոխգործակցության ամրապնդման ուղիներին:
Ներկայացուցիչների պալատի արտաքին հարաբերությունների հանձնաժողովի նախագահ Հովարդ Բերմանի հետ հանդիպման ժամանակ ՀՀ ԱԳ նախարար Էդվարդ Նալբանդյանը ներկայացրեց Հայաստանի արտաքին քաղաքականության հիմնական ուղղություններն ու առաջնահերթությունները: Զրուցակիցներն անդրադարձան Հարավային Կովկասում կայունության եւ անվտանգության հետ կապված հարցերին:
Մայիսի 4-ին Հայաստանի ԱԳ նախարար Էդվարդ Նալբանդյանն այցելեց ԱՄՆ Կոնգրես, ուր հանդիպում ունեցավ Կոնգրեսի հայկական հարցերով հանձնախմբի համանախագահներ Ֆրենք Փալոունի ու Մարք Քըրքի եւ խմբի անդամներ` կոնգրեսականներ էննա Էշյուի, Ստիվ Ռոտմանի եւ Սքոտ Գերեթի հետ:
Հայաստանի արտգործնախարարը, շնորհակալություն հայտնելով կոնգրեսականներին իրենց բազմամյա հայանպաստ գործունեության համար, բարձր գնահատեց Ներկայացուցիչների պալատի հայկական հանձնախմբի աշխատանքները եւ խմբի անդամների դերակատարությունը հայ-ամերիկյան հարաբերությունների ամրապնդման գործում:
Կոնգրեսականների խնդրանքով, նախարար Նալբանդյանը ներկայացրեց հայ-թուրքական հարաբերությունների կարգավորման գործընթացի վերջին զարգացումները եւ այդ ոլորտում երկու հարեւան պետությունների միջեւ բնականոն հարաբերությունների հաստատման ուղղությամբ ձեռնարկվելիք քայլերը: Այս ենթատեքստում կոնգրեսականներն իրենց աջակցությունը հայտնեցին Թուրքիայի հետ հարաբերությունների կարգավորման ուղղությամբ Հայաստանի ղեկավարության ձեռնարկած քայլերին:
Զրույցի ընթացքում անդրադարձ կատարվեց արցախյան հիմնախնդրի կարգավորման բանակցություններին եւ դրանց հեռանկարներին:
Էդվարդ Նալբանդյանը հանդիպում ունեցավ նաեւ ԱՄՆ փոխպետքարտուղար Դենիել Ֆրիդի հետ, որի ընթացքում քննարկվեցին հայ-ամերիկյան հարաբերությունների զարգացման ուղիները:
ՙՀազարամյակի մարտահրավեր՚ կորպորացիայի ղեկավար Ռոդնի Բենտի հետ հանդիպման ժամանակ Էդվարդ Նալբանդյանը քննարկեց կորպորացիայի կողմից Հայաստանում իրականացվող ծրագրերի շարունակման հետ կապված հարցեր:
Վաշինգտոնում ՀՀ դեսպանությունում Էդվարդ Նալբանդյանը աշխատանքային խորհրդակցություն անցկացրեց ԱՄՆ-ում ՀՀ դեսպանության եւ ՄԱԿ-ում ՀՀ մշտական ներկայացուցչության դիվանագետների մասնակցությամբ, որի ընթացքում քննարկվեցին ՀՀ արտաքին քաղաքականության առաջնահերթ խնդիրները եւ համապատասխան հանձնարարություններ տրվեցին:
ԱՄՆ մայրաքաղաքում Հայաստանի արտգործնախարարը հանդիպում ունեցավ նաեւ ամերիկահայ համայնքի ներկայացուցիչների հետ:
Մայիսի 5-ին ավարտելով այցելությունը Վաշինգտոն, Էդվարդ Նալբանդյանը մեկնեց Պրահա, ուր ՀՀ նախագահի գլխավորած պատվիրակության կազմում կմասնակցի Արեւելյան գործընկերության գագաթաժողովին:
Ինչպես հայտնում են ՀՀ ԱԳՆ մամլո ծառայությունից, մայիսի 5-ին աշխատանքային այցով Վաշինգտոնում գտնվող ՀՀ ԱԳ նախարար Էդվարդ Նալբանդյանը հանդիպում ունեցավ ԱՄՆ պետական քարտուղար Հիլարի Քլինթոնի հետ:
Պետքարտուղար Քլինթոնը, ողջունելով Հայաստանի արտգործնախարարին, նշեց, որ ԱՄՆ շահագրգռված է Հայաստանի հետ համակողմանի հարաբերությունների ամրապնդմամբ եւ զարգացմամբ, եւ նախագահ Օբամայի վարչակազմը հաստատակամ է ընդարձակելու երկու երկրների միջեւ փոխգործակցությունը:
Նախարար Նալբանդյանը, շնորհակալություն հայտնելով Վաշինգտոն այցելելու հրավերի համար, ընդգծեց, որ Հայաստանը, կարեւորելով Միացյալ Նահանգների հետ հարաբերությունների առավել ամրապնդումը, հետամուտ է լինելու ԱՄՆ հետ բարեկամական գործընկերության զարգացմանն ու խորացմանը եւ համագործակցության ընդլայնմանը:
Հայաստանի եւ ԱՄՆ արտաքին քաղաքական գերատեսչությունների ղեկավարները քննարկեցին երկկողմ հարաբերությունների տարբեր բնագավառներին վերաբերող հարցերի լայն շրջանակ, տնտեսական փոխգործակցության զարգացման եւ ընդլայնման հնարավորությունները, անդրադարձ կատարվեց մայիսին Երեւանում կայանալիք հայ-ամերիկյան միջկառավարական հանձնաժողովի նիստին, քննարկվեցին մի շարք տարածաշրջանային եւ միջազգային խնդիրներ:
Զրուցակիցները քննարկեցին հայ-թուրքական հարաբերությունների կարգավորման գործընթացը: Պետքարտուղար Քլինթոնը որպես պատմական որակեց ապրիլի 22-ին Հայաստանի եւ Թուրքիայի արտաքին քաղաքական գերատեսչությունների հայտարարությունը: Նա վերահաստատեց Միացյալ Նահանգների դիրքորոշումը` շարունակել ամենայն աջակցության ցուցաբերումը հայ-թուրքական հարաբերությունների լիակատար կարգավորմանը:
Հանդիպման ընթացքում քննարկվեցին արցախյան հիմնախնդրի կարգավորման գործընթացի վերջին զարգացումները: Անդրադարձ կատարվեց Հայաստանի եւ Ադրբեջանի նախագահների առաջիկա հանդիպմանը: Պետքարտուղար Քլինթոնն ընդգծեց ղարաբաղյան հիմնախնդրի խաղաղ կարգավորումը եւ նշեց, որ ԱՄՆ-ն, որպես ԵԱՀԿ Մինսկի խմբի համանախագահ, շարունակելու է իր ամբողջական աջակցությունը հակամարտության կողմերի միջեւ համաձայնությունների ձեռքբերմանը եւ հիմնախնդրի հանգուցալուծմանը, ինչը նրա բնորոշմամբ նոր հնարավորություններ կստեղծի Հարավային Կովկասի տարածաշրջանի զարգացման, կայունության եւ անվտանգության ամրապնդման համար:
Նախարար Նալբանդյանը պետքարտուղար Քլինթոնին ներկայացրեց Հայաստանում իրականացվող բարեփոխումների ընթացքն ու այդ ուղղությամբ ձեռնարկվող քայլերը:
Էդվարդ Նալբանդյանը Հիլարի Քլինթոնին հրավիրեց այցելել Հայաստան:
Նույն օրը Հայաստանի արտգործնախարարը Սպիտակ տանը հանդիպում ունեցավ ԱՄՆ նախագահի ազգային անվտանգության հարցերով խորհրդական գեներալ Ջեյմս Ջոնսի հետ: Հայաստանի արտաքին քաղաքական գերատեսչության ղեկավարն ու ԱՄՆ նախագահի խորհրդականը քննարկեցին հայ-ամերիկյան համագործակցության տարբեր ոլորտներին վերաբերող հարցեր, տարածաշրջանային անվտանգության ապահովման խնդիրներ: Գեներալ Ջոնսը բարձր գնահատեց Հայաստանի մասնակցությունը խաղաղապահ գործողություններին եւ այդ ենթատեքստում կարեւոր ներդրումը միջազգային անվտանգության ապահովման գործում: Հանդիպման ընթացքում հանգամանալից զրույց ծավալվեց հայ-թուրքական հարաբերությունների կարգավորման գործընթացի եւ արցախյան հիմնախնդրի հանգուցալուծման հնարավորությունների վերաբերյալ: Գեներալ Ջոնսը աջակցություն հայտնեց հայ-թուրքական հարաբերությունների կարգավորման ուղղությամբ Հայաստանի ղեկավարության ձեռնարկած քայլերին: Զրուցակիցներն անդրադարձան հայ-ամերիկյան փոխգործակցության ամրապնդման ուղիներին:
Ներկայացուցիչների պալատի արտաքին հարաբերությունների հանձնաժողովի նախագահ Հովարդ Բերմանի հետ հանդիպման ժամանակ ՀՀ ԱԳ նախարար Էդվարդ Նալբանդյանը ներկայացրեց Հայաստանի արտաքին քաղաքականության հիմնական ուղղություններն ու առաջնահերթությունները: Զրուցակիցներն անդրադարձան Հարավային Կովկասում կայունության եւ անվտանգության հետ կապված հարցերին:
Մայիսի 4-ին Հայաստանի ԱԳ նախարար Էդվարդ Նալբանդյանն այցելեց ԱՄՆ Կոնգրես, ուր հանդիպում ունեցավ Կոնգրեսի հայկական հարցերով հանձնախմբի համանախագահներ Ֆրենք Փալոունի ու Մարք Քըրքի եւ խմբի անդամներ` կոնգրեսականներ էննա Էշյուի, Ստիվ Ռոտմանի եւ Սքոտ Գերեթի հետ:
Հայաստանի արտգործնախարարը, շնորհակալություն հայտնելով կոնգրեսականներին իրենց բազմամյա հայանպաստ գործունեության համար, բարձր գնահատեց Ներկայացուցիչների պալատի հայկական հանձնախմբի աշխատանքները եւ խմբի անդամների դերակատարությունը հայ-ամերիկյան հարաբերությունների ամրապնդման գործում:
Կոնգրեսականների խնդրանքով, նախարար Նալբանդյանը ներկայացրեց հայ-թուրքական հարաբերությունների կարգավորման գործընթացի վերջին զարգացումները եւ այդ ոլորտում երկու հարեւան պետությունների միջեւ բնականոն հարաբերությունների հաստատման ուղղությամբ ձեռնարկվելիք քայլերը: Այս ենթատեքստում կոնգրեսականներն իրենց աջակցությունը հայտնեցին Թուրքիայի հետ հարաբերությունների կարգավորման ուղղությամբ Հայաստանի ղեկավարության ձեռնարկած քայլերին:
Զրույցի ընթացքում անդրադարձ կատարվեց արցախյան հիմնախնդրի կարգավորման բանակցություններին եւ դրանց հեռանկարներին:
Էդվարդ Նալբանդյանը հանդիպում ունեցավ նաեւ ԱՄՆ փոխպետքարտուղար Դենիել Ֆրիդի հետ, որի ընթացքում քննարկվեցին հայ-ամերիկյան հարաբերությունների զարգացման ուղիները:
ՙՀազարամյակի մարտահրավեր՚ կորպորացիայի ղեկավար Ռոդնի Բենտի հետ հանդիպման ժամանակ Էդվարդ Նալբանդյանը քննարկեց կորպորացիայի կողմից Հայաստանում իրականացվող ծրագրերի շարունակման հետ կապված հարցեր:
Վաշինգտոնում ՀՀ դեսպանությունում Էդվարդ Նալբանդյանը աշխատանքային խորհրդակցություն անցկացրեց ԱՄՆ-ում ՀՀ դեսպանության եւ ՄԱԿ-ում ՀՀ մշտական ներկայացուցչության դիվանագետների մասնակցությամբ, որի ընթացքում քննարկվեցին ՀՀ արտաքին քաղաքականության առաջնահերթ խնդիրները եւ համապատասխան հանձնարարություններ տրվեցին:
ԱՄՆ մայրաքաղաքում Հայաստանի արտգործնախարարը հանդիպում ունեցավ նաեւ ամերիկահայ համայնքի ներկայացուցիչների հետ:
Մայիսի 5-ին ավարտելով այցելությունը Վաշինգտոն, Էդվարդ Նալբանդյանը մեկնեց Պրահա, ուր ՀՀ նախագահի գլխավորած պատվիրակության կազմում կմասնակցի Արեւելյան գործընկերության գագաթաժողովին:
Comments