Վերջին օրերին հայ-ադրբեջանական
հակամարտությունը թեժացել է ոչ միայն ռազմի դաշտում, այլ նաև համացանցի տարածքում: Երկու կողմերի հաքերները
փոխադարձաբար կիբեռ գրոհների միջոցով կոտրել են մի քանի տասնյակ հայկական և
ադրբեջանական կայքեր:
Այս տարի հայ-ադրբեջանական կայքային պատերազմը
համընկավ ռազմի դաշտում հակամարտության
սրացման հետ: Ըստ տեղեկատվական տեխնոլոգիաների փորձագետ Սամվել Մարտիրոսյանի,
կիբերգրոհների նոր շրջանի բացման նախաձեռնողը ևս ադրբեջանական կողմն է:
Եթե այս
գրոհները, այսպես ասենք, նվիրված էին 1990 թվականին ի պատասխան Բաքվում հայերի
ջարդերի խորհրդային զորքերի գործողություններին, ապա ադրբեջանցի հաքերների հաջորդ
ակտիվացումը սպասվում է Խոջալուի դեպքերի հերթական տարելիցին ընդառաջ՝ փետրվարի վերջին, նշեց
փորձագետը:
Ինչևէ, պատասխան քայլերը չուշացան և հայ
հաքերների կողմից, որոնք կոտրել են 13 ադրբեջանական կայքեր:
Ինտերնետ Հանրություն ՀԿ փոխնախագահ Գրիգոր
Սահյանը իր հերթին կարևորեց կիբեռ-անվտանգության բարձրացման անհրաժեշտությունը,
ինչը արդեն արվում է պատշաճ մակարդակով պետական մարմինների կայքերի պարագայում:
Վերջին գրոհներից տուժած հայկական կայքերը մեծամասամբ պատկանում են ձեռնարկություններին:
Մյուս կողմից կիբեռգորհները թույլ են տալիս
վերացնել վեբ-կայքերի խոցելի կողմերը: Սակայն որոշ կայքատերեր անտարբեր են
անվտանգության հարցերի շուրջ:
Ի տարբերություն իրական պատերազմի համացանցային
հարձակումները չունեն հաղթող և պարտվող կողմ, նկատեց Սամվել Մարտիրոսյանը:
Այնպես որ, կարևոր է ապահովել անվտանգությունը,
ինչպես ռազմի դաշտում, այնպես էլ համացանցում:
Comments