Կոնստանտին Կոսաչովի հայաստանյան այցի օրակարգը բավականին հագեցած է

Աշխատանքային այցով Հայաստանում գտնվող ԱՊՀ մասնակից պետությունների հետ կապերի գծով ՌԴ նախագահի հատուկ ներկայացուցիչ, «Ռուսհամագործակցություն» դաշնային գործակալության ղեկավար Կոնստանտին Կոսաչևի օրակարգը բավականին հագեցած է: Նրան ընդունել են նախագահ Սերժ Սարգսյանը, վարչապետ Տիգրան Սարգսյանը, տեղի են ունեցել հանդիպումներ  արտաքին գործերի, կրթության և գիտության, էկոնոմիկայի և մշակույթի նախարարների հետ: Բացի դրանից կայացել են քննարկումներ ռուսաստանյան հայրենակիցների հասարկական կազմակերպությունների, գիտական և կրթական կառույցների ներկայացուցիչների հետ: Կոնստանտին Կոսաչովը  մասնակցել է Ռուսաստանյան կրթական և տեղեկատվական ռեսուրսների կոլեկտիվ  հասանելիության կենտրոնի բացմանը, Հիշողության ռուս-հայկական էստաֆետայի մեկնարկին:

Այսօր լրացավ Կոնստանտին Կոսաչովի  որպես  ԱՊՀ մասնակից պետությունների հետ կապերի գծով ՌԴ նախագահի հատուկ ներկայացուցիչ և «Ռուսհամագործակցություն» դաշնային գործակալության ղեկավարի պաշտոնավարման 4 ամիսը: Հատկանշական է, որ 49-ամյա կադրային ռուս դիվանագետը այս պաշտոններում իրականացնում է լայնածավալ աշխատանք տարբեր ոլորտներում` քաղաքական, տնտեսական, կրթական, մշակույթային, հասարակական: Երևանյան բազմաթիվ հանդիպումների ընթացքում նա քննարկել է այս ուղղություններով փոխգործակցության հարցերը:

 Հաշվի առնելով մեր երկրների միջև դաշնակցային, գործընկերային և բարեկամական հարաբերությունների բնույթը` նման շփումները չեն կարող շատ լինել: Դրանք պետք է լինեն կանոնավոր, և եթե ուզում եք, ամենօրյա: Այս իրավիճակից, համոզված եմ, կշահեն երկու կողմերն էլ: 

«Ռուսհամագործակցություն» դաշնային գործակալության ղեկավարը կարևորեց հումանիտար ոլորտում մոտակա ապագայում 2013-2016 թվականների ընթացքում ծրագրերի իրականացումը: Համապատասխան հուշագիր կմշակվի «Ռուսհամագործակցության» կողմից:

 Մենք անդրադարձել են հումանիտար համագործակցության երկկողմանի հիմնադրամի ստեղծման հետաքրքիր գաղափարին: ԱՊՀ տարածքում գործում են նման բազմակողմանի կառոյցներ:Երկկողմանի ձևաչափը կարող է ավելի հեռանկարային և արդյունավետ լինել: Եթե Հայաստանի հետ մեր փորձը հաջողվի, ապա մենք կաշխատենք այս մոդելը կիրառել և մյուս գործընկեր-երկրներում:

Կոնստանտին Կոսաչովը  հայտնեց, որ աշխատանքներ են տարվում հակտեմբերին Երևանում Հայ-ռուսական միջռեգիոնալ 2-րդ ֆորումի, ինչպես նաև իննովացիոն ցուցահանդեսի անցկաման ուղղությամբ: «Ռուսհամագործակցության» ղեկավարը նշեց, որ  ռուսաստանյան ներկայությունը հայաստանյան մեդիադաշտում անբավարար է, մասնավորապես, մարզերում, որտեղ ռուսական կայաններից հեռարձակվում է միայն ՌՏՌ-Պլանետա հեռուստաալիքը: Ըստ Կոսաչովի, այս հարցի լուծումը գտնվում է բացառապես հայկական կողմի իրավասության ներքո:

 Վերադառնալով Մոսկվա ես ինքս նույնպես իմ գործընկերների ուշադրությունը կուղղեմ այս իրավիճակի վճռական  լուծմանը:

Անդրադառնալով հայ-ռուսական միջպետական տնտեսական հարաբերություններին, Կոսաչովը գոհունակությամբ նշեց, որ համաշխարհային ֆինանսատնտեսական ճգնաժամի հետ կապված դժվարությունները այլևս հաղթահարված են  և առևտրային շրջանառությունը կրկին հասնում է 1 միլիարդ դոլարի շեմին: Այս ցուցանիշը ևս չի համապատասխանում առկա ներուժին, նշեց նա:

 Մենք հասկանում ենք, որ այս հարցում շատ բան կախված է ռուսաստանյան բիզնեսի ակտիվությունից, գործարար կառույցների պատրաստակամությունից կատարել ներդրումներ հայաստանյան տնտեսության մեջ:

Այս ուղղությամբ առկա իրավական խնդիրները իրենց լուծումները կստանան աշխատանքային կարգով, ինչի մասին համապատասխան պայմանավորվծություն  ձեռք է բերվել նախօրեին վարչապետ Տիգրան Սարգսյանի հետ կայացած հանդիպման ժամանակ, հայտնեց ռուս դիվանագետը: