Հայերը Ղազախստանում ներկայացված են ոչ միայն քանակապես, այլեւ որակապես, ասում է դեսպան Բոզժիգիտովը

Ղազախստանի արտակարգ
 և լիազոր դեսպան Այըմդոս Բոզժիգիտովը

Հունվարի 15- ին կկայանան Ղազախստանի խորհրդարանի ստորին պալատի` Մաժիլիսի արտահերթ ընտրությունները: Համաձայն այդ երկրի նորացված սահամանադրության՝ կբացառվի Մաժիլիսի միակուսակցական կազմը, ինչպիսին էր անցյալ նոյեմբերին նախագահի հրամանագրով ցրված 4- րդ գումարման խորհրդարանի ստորին պալատը, որտեղ ներկայացված էին միայն նախագահական «Նուռ օթան» կուսակցության ներկայացուցիչները: 

Գալիք ընտրություններին մասնակցում են 7 կուսակցություններ, որոնք հավակնում են 98 պատգամավորական մանդատի: Եվս 9 պատգամավոր հունվարի 16- ին կընտրվի Ղազախստանի ժողովրդի վեհաժողովի կողմից, որը ներկայացնում է այդ երկրում բնակվող ազգային փոքրամասնությունները:

Ինչպես  հայտնեց մեր երկրում հունվարի 15- ին ընտրությությունները կկայանան և դեսպանատանը, որտեղ գրանցված են մեր երկրում գտնվող 30 ղազախստանցի ընտրողներ:

Բացի ընտրություններից դեսպանա անդրադարձել է նաև հայ- ղազախական հարաբերություններին։ Երկու երկրների անմիջական առևտրային շրջանառությունը 2011 թվականի ընթացքում կազմել է շուրջ 9 մլն. ԱՄՆ դոլար, ինչը չի համապատասխանում առկա ներուժին, ասել է դեսպանը: Ըստ նրա՝ երրորդ երկրների միջոցով առևտրաշրջանառությունը գրեթե հասնում է 300 մլն. ԱՄՆ դոլարի:

«Քաղաքական առումով մեր երկրների ղեկավարության միջև տիրում է կառուցողական երկխոսություն ի տարբերություն տնտեսական կապերի: Այստեղ առկա դժվարությունները պայմանավորված են անմիջական տրանսպորտային կապերի բացակայությամբ: Շատ հաճախ առևտրային շրջանառությունը իրականացվում է այլ երկրների Ռուսաստանի, Վրաստանի, Իրանի, Ռումինիայի միջոցով։ Մենք Հայաստան եք մերմուծում նավթամթերք, ցորեն, մետաղներ, իսկ Ղազախստան ներկրում ենք ոսկերչական իրեր, խմիչք՝ մասնավորապես կոնյակ և քարկտրիչ սարքավորումներ»:

Լինելով տեխնիկական գիտությունների թեկնածու՝ 56- ամյա Այըմդոս Բոզժիգիտովը հստակ պատկերացնում է երկկողմ տնտեսական հարաբերությունների ամբողջ ներուժը, որը զգալի գերազանցում է նույնիսկ երրորդ երկրների միջոցով արձանագրված ցուցանիշը: Ըստ դեսպանի՝ Ղազախստանում հետաքրքրված են Հայաստանից տուֆի և այլ շինարարական քարերի ներկրմամբ, քանի որ այդ երկրում մեծ թափ է ձեռք բերել շինարարությունը: 

Պաշտոնական տվյալներով, Ղազախստանում այսօր բնակվում է շուրջ 25 հազար հայ, թեպետ համայնքի ղեկավարները նշում են այլ թիվ` 100 հազար: 

«Ղազախստանի 11 մեծ քաղաքներում և մարզկենտրոններում գործում են հայկական մշակույթի կենտրոններ: Հայերը մեր երկրում ներկայացված են ոչ միայն քանակապես, այլ նաև որակապես: Մեզ մոտ նախագահ Նազարբաևի հրամանագրով լայնորեն նշվեց Լևոն Միրզոյանի 100- ամյակը, ով անցյալ դարի 30- ական թվականներին եղել է Ղազախստանի կոմկուսի անդրանիկ առաջին քարտուղարը: Նրա անունով են կոչվել մայրաքաղաք Աստանայի փողոցներից մեկը, դպրոցներ, Ակտյուբինսկ քաղաքում բացվել է նրա կիսանդրին: Այսօր ամեն մի հայ անցնելով Միրզոյանի փողոցով իրեն հպարտ է զգում»:

Դեսպան Բոզժիգիտովը հայտարարեց, որ իր երկիրը չեզոքություն է պահպանում կովկասյան հակամարտությունների հարցում, թեև Ադրբեջանը էթնիկ առումով եղբայր պետություն է, իսկ Հայաստանը` դաշնակից երկիր ՀԱՊԿ շրջանակներում: